MS. of Paris Library, 10260 (Fr. 5631) (Pauthier’s MS. A.) (Google Books ⧉, Amazon ⧉, Bookshop ⧉)

The Travels of Marco Polo

2. MS. of Paris Library, 10260 (Fr. 5631) (Pauthier’s MS. A.) Quant on se part de l’isle de Maliur, et on nage quatre vingt dix milles, adonc treuve en l’isle de Javva la Meneur; mais elle n’est mie si petite qu’elle n’ait de tour ii. milles. Et si vous conteray de cette isle l’affaire. Sachiez que sus ceste isle a viij. royaumes et viij. rois courronnés. Ilz sont tuit ydolastres; et si a, chascun royaume, son langaige par soy. Il y a en ceste isle grant quantité d’espiceries. Et si vous conteray la maniere de la plus grant partie de ces huit royaumes. Mais je vous diray avant une chose. Et sachiez que ceste isle est si vers midi que l’estoille tremontainne n’y apert. Or nous retournerons à notre matiere, et vous conterons tout avant du royaume de Falec.