MS. Paris Library, 7367 (now Fr. 1116) (Google Books ⧉, Amazon ⧉, Bookshop ⧉)

The Travels of Marco Polo

1. MS. Paris Library, 7367 (now Fr. 1116). (Geographic Text.) Quant l’en se part de le isle de Pentam e l’en ala por ysceloc entor cent miles, adonc treuve le ysle de Java la Menor; mès si sachiés q’ele ne est pas si peitite q’ele ne gire environ plus de deus mille miles, et de ceste ysle voz conteron toute la virité. Or sachiés qe sor ceste ysle ha huit roiames et huit rois coronés en ceste ysle, e sunt tuit ydres et ont langajes por elles. Car sachiés che chascun des roiames ont langajes por eles. En ceste ysle a mout grandisme habundance de trezor et de toutes chieres especes e leingn aloe et espi, et de maintes autres especes que unques n’en vienent en nostre pais. Or vos voil conter la maineres de toutes cestes jens, cascune por soi, e vos dirai primermant une cousse qe bien senblera à cascun mervoilliose cousse. Or sachiés tout voirmant qe ceste ysle est tant à midi qe la stoille de tramontaine ne apert ne pou ne grant. Or noz retorneron à la mainere des homes, e voz conteron toute avant dou rouiame de Ferlec.